請你食麵

請你食麵

近日網上瘋傳一條由CCTVB製作嘅兒歌MV，歌名叫做《請你食麵》。呢個MV之所以瘋傳係因為首歌夠騎呢。呢首歌嘅歌詞頭段不斷重複「麵麵麵麵麵，請你食個麵！」，加埋兩位歌手好落力咁Chok可愛，結合一啲唔知想點嘅舞步，相當重口味！網民有見及此，即刻將呢隻歌推己及人，仲喺個標題上形容呢隻歌係「天籟之音」，講到此曲只應天上有，務求令人Click落去聽，令更多人中伏！聽完之後，首歌嗰幾句「麵麵麵麵麵……」就會喺你腦海「無限Loop」，真係非常洗腦，唔信可以自己搵嚟聽吓，後果自負！