高ling矮ling

高ling矮ling

高Ling矮ling拋胸伸脷搏盡 再現世紀潛力圖

噚晚森美小儀主持嘅節目《千奇百趣》，除咗請到三大「咪神」高海寧(高Ling)、徐淑敏、沈卓盈(沈大師)一齊玩，同場嘅馬賽反而變咗陪襯。昔日呢，最搶鏡會係徐淑敏，可惜，今時唔同往日，加上老公黃浩同曾志偉爆咗單「咁嘅嘢」，唉，都唔知噚晚會唔會係最後一次喺無綫見到徐淑敏喇……

講番節目先，噚晚最搶鏡嘅，一定係高Ling，佢著住吊帶低胸背心上陣，條事業線就成日陰啲陰啲走出嚟，又不時「烏」低身笑，真係睇到宅男叫救命...徐淑敏同沈卓盈就包到實一實，就算「烏」低身都冇嘢睇啦。

戲肉又係喺最後，話說高Ling同馬賽嗰組輸咗，森美話馬賽之前已受過罰，所以高Ling就要玩嗰個「千奇百趣照妖鏡」，鏡乜鬼吖，玩想入非非就真，要高Ling隔住個絲網，個網就得一個洞，要佢伸脷嘟咀食一粒吊實咗嘅車厘子，高Ling玩到面容扭曲不特止，網民將佢呢一連串動作cap圖兼瘋傳，又話要花生、又話會成為世紀最住潛力cap圖。

高Ling玩呢個「遊戲」前，已經俾森美話：「有高Ling，有矮Ling，仲有全家都係Ling...」暗寸佢「冚家Ling」，sorry，森美，你擺明就係抄高登仔嘅，因為此post一早已經出咗喇。難得被玩嘅高Ling笑到停唔到，呢啲咪叫高EQ囉！

其實沈卓盈都有俾網民cap圖，不過唔係同一個節目，係《May姐有請》，話阿沈大師喺節目入面食親乜嘢都要話「好似薯片」，俾網民笑佢「蔡瀾食餅有餅味，沈卓盈食乜都係薯片味。」以後要叫佢「薯片盈」，不...不如搵沈大師做薯片代言人罷啦！

Posted in: 高ling矮ling