黃紫盈喊
張文采搞喊黃紫盈
上月底無綫新聞部發生咗單嘢，雖然只係短短幾秒嘅事，但原來別有內情，到今日仲成為網上熱話，威力即使勁唔過亞視誤報江澤民死訊，爆炸力一樣驚人！本來呢單嘢主角得一個，就係無綫互動新聞台靚女主播黃紫盈。
事緣佢上月27號，下晝五點半報新聞嗰陣，明明講緊南非前總統曼德拉病情，點知紫盈都未報，已經雙眼通紅，熱淚「盈」眶，講唔夠幾句，仲流咗一滴眼淚。
要知道報新聞茲事體大，專業精神，紫盈咁樣喊一喊，雖則惹起網民憐愛，但亦有觀眾指摘佢唔夠專業。咁究竟紫盈因乜事而喊呢？唔通真係為民權領袖曼德拉而哭？非也，反而係同紫盈同事——另一主播小花張文采有關。
據知，當日五點半新聞嗰檔，係由男主播葉昇瓚負責報道，但因為佢個頭(髮型)唔多掂，新聞部話事人「花哥」（袁志偉）話要換人，咁當時只係得張文采同黃紫盈兩個，就要睇下邊個捱義氣。
跟住兩女互相推搪，張文采爆咗句：「0依家唔係我問你得唔得，而係我叫你去！」當時應該都有唔少人聽到。就係咁，黃紫盈兩眼通紅咁去頂咗個五點半新聞，報報吓仲忍唔住流咗一滴眼淚。
Posted in: 黃紫盈喊
文章
